المشاركة الأصلية كتبت بواسطة صقر المراقيب

جميل مزورعي منازله فخليص=دار النّشاما من زبيد العريقه
قوم ٍ لهم مكيال مافيه تنقيص=وللعهد والميثاق ماهي بويقه
شجعان ماتعطي عن الحقّ تحويص=منها يحقّ الحقّ هذي حقيقه
وآنا لذلك مسند العلم تخصيص=وانشدّ جميل وجابته لي وثيقه
للوقت يامعنيه غدره وتربيص=حضيض من يسلم متاهة طريقه
عشنا وشفنا وضع محد ٍ به ابخيص=مثل الذي يعمل عمل مايليقه
اسيول في جدّه وزلزال فالعيص=واهوال منها النّاس عاشت بضيقه
وحتى تبوك وحالها لك بتلخيص=جنوبها فيه المنازل غريقه
يعني سبايبها من الذنّب تخليص=ذنبٍ ولا يرضاه ربّ الخليقه
ولاّ امتحان الله قدره وتمحيص=حتى يبان الحقّ للي يعيقه
ناس ٍ خططها كلها خبط تخبيص=من شان جمع المال مكر ٍ تحيقه
تنشي مبانيها على غير ترخيص=ولا انشت تصاريف السّيول السحيقه
هذا وقافي جاك من دون تحريص=وضّحت لك فيه المراد بدقيقه
ومنك الجواب اللي يجي بعد تفحيص=يشفي غليل اللي شكى من عميقه

المشاركة الأصلية كتبت بواسطة جميل بن حميدان

جميل شاعر وانت شاعر وقنيص = تلعب علي اوتار الحسوس الرقيقة
مخصوص با الجزلة وللجزل خصيص = يوم البعض ما بل با لجزل ريقة
لولاك غالي كان بعناك برخيص = ميرا لغلا يفرق صديق وصديقة
سوق الشعر ماهو بسوق المقاصيص = بعض القصايد مثل ورد الحديقة
والا البعض ياصقر ما غير حيص بيص = ماتستحيق انا نسوي عقيقة
الوضع يبغاله وانا اخوك ترصيص = والحل عند اللي يمينه طليقة
كل ماستغال غليص يتعين غليص = مدري متى يخلص غليص وفريقة
جنحانهم تبغا وانا اخوك تقصيص = لن قصصة ترتاح منها الخليقة
الشر مهما طال يا جيه تقليص = واللي يحب الشر ما حدٍ يطيقة
واللي يعرف الذيب مايجهل النيص = والخير في امة محمد سليقة
فصصتلك علمك وانا اخوك تفصيص = من بحري اللي غصت لجلك عميقة
وانا سواتك للجزيلات حريص = وانت سواة المزن يلمع بريقة
من ربعةٍ وقت اللوازم قنانيص = احامده وقت المواقف حريقة