السلام عليكم ورحمة الله وبركاته
قصيده جديده احببت مشاركتكم بها متمنين ان تنال علئ رضاكم
اقول
من لاتعب باأول حياته علئ البيض**ماظن يبغنه بتالي حياته**
مدام جم البير يقطع ضمئ القيض **ليه الشباب اليوم فيه استماته**
اقفئ زمان سعود وحمود ومعيض**وجانا زمان العولمه بعولماته**
جيل طلع رابي علئ جبنه وبيض**ومن الرخاوه يقهرك بالتفاته**
ياخذ صفات منقض الراس تنقيض**اللي ذبح اهل الهوئ في صفاته**
صورة وطبق الاصل فوري وتحميض**باقي عليه شوي ويلبس عباته**
والعود من يم الولد لاحقه غيض**يوم الولد عيا لايسمع وصاته**
واقع مريض ويمرض القلب تمريض**صار الولد ياخوك يشبه خواته**
متمكيجن ومبيض الوجه تبييض**ماهو بفعل ايديه من ضعف ذاته**
ياالله دخيلك عن زمان التعاريض**وياالله لاتجعلنا للاعداء شماته**

الشاعر عيسئ رباح المحمدي