/
/
/
/
/
/
/
/
/
/
/
حالتي تبكيك يالقرم النّصيح=سرّها الخافي لمثلك نكشفه
ان بغيت الحقّ ماني مستريح=بالهوى والوّد حالي موسفه
والزمن غدّار ماهو لي مريح=غاضني به ناس ماهي منصفه
منهجي بالوقت كسبي للمديح=ولاتركت الطّيب رغم التّكلفه
والحبيب اللي بودّه لي صريح=الوعد بالوّد مجبر يخلفه
شمت عن دربه وانا منّه جريح=مابغيت القاه لحظه واكسفه
والعواذل تحتريني كيف اطيح=لوّ عمري في يديهم تنسفه
والوكيل الله مومن به صحيح =وزادني قوّه بحقّ ومعرفه
كادهم ليّه بكفخه للقبيح=والظّرر والكيد عنّي يصرفه
موجز التّعبير بالقول الفصيح=صدّقه من دون حلف ٍ نحلفه
قافنا له ختم يالعقل الرّجيح=بالصّلاه اللي لقولي مغلفه
بالنّبي اللي بيثرب له ضريح=عدّ من ياقف يشرّف موقفه
الشّاعر / خالد بن عبيد بن معتوق ألأحمدي