المشاركة الأصلية كتبت بواسطة صقر المراقيب

بدع الشّاعر/ خالد بن عبيد الاحمدي=
الـرّزق عنـد الله عدلـه قسومـه=لاكـن نسعالـه وناخـذ بالاسبـاب
وكلا ً يبا يسعـى يحقّـق حلومـه=ويرضي طموحه دامه الرّاس ماشاب
وخذّ قصّة مواطن عسـى ماتلومـه=كافح بعلم ٍ زيـن ماهـو بنصّـاب
لاكـن كفاحـه مامحالـه همومـه=في وقت يطعم شهد لانسان لعّـاب
مسكين حضّه ماجلب قـوت يومـه=في موتره لفلـف ولاشـال ركّـاب
ماغيـر راكـب ماتسـرّه هدومـه=شاله وحطّه دون لاياخـذ احسـاب
وإذا لقـا راكـب يسـدّد لـزومـه=ياخذ قسيمـه مدبلـه كـل ماجـاب
بعدين روّح يبسـط بجـحّ كومـه=في موتره مجموع باخضار واعناب
في درب كثر اجناس فيها زحومـه=وجاه المراقب يعطي انذار بخطـاب
ليت الامانـه بالمواطـن رحومـه=اسم ٍ بلا مسمّى ولا يكسب اعجاب
انظامهـا ياخـوك مكثـر رسومـه=ياخذ ولاينفع ورى الـرّزق طـلاّب
واليا دخل لسّوق قصـرت عزومـه=مادام حكم السّوق في يـدّ الاجنـاب
ودّه بقاله تعطـي الحـض ّ قومـه=لاكن راس المـال واجـد وغـلاّب
عاش البطاله عـاف زاده ونومـه=لنّه بدا ينعاف باصحـاب واحبـاب
شحّ العمل في فرصته طال صومـه=دام العماله فالبلـد ضـدّه احـزاب
ولو يشتغل بالفين ماهـي خدومـه=هذيك تخدمّ من تناديـه( بيسـاب)
كل شـي يافـوّاز زادت سهومـه=وماهو لمطلوبـه بالالفيـن جـلاّب
ولو هو شكى شكواه تاصل خصومه=ولاضنّ فيه انصاف والخصم كـذّاب
والوقـت يافـوّاز كثـرت رخومـه=قلّ الشّجيع اللي ينومـس للاقـراب
كم ناس ضدّ الشّعب تكـره قرومـه=تمسكّ مناصبها وتقرصّ كما الدّاب
ومعلوم ابو متعب ّ تنومس علومـه=لو هو درا عنهم يضرّبهـم البـاب
جاكم خطاب اللي تشـرّف سلومـه=وان كانه اخطابـه محيّـر للالبـاب
لاتحسبه قصـده يعـارض حكومـه=حلق اللحا ماهو كما حلق الاشنـاب
حنّا مع آل اسعود حشمـه لزومـه=نبقى نصون العهد وانكيد الاغـراب
ناقف معا ً والوقت نمحي جرومـه=ومانقصر المجهود فكفاح الارهـاب
ردّ الشّاعر / فوّاز الزّويهري=
يابـادع القيفـان بحـرك نعـومـه=وانجيب من غبّ البحر كل ما طـاب
وربّك رزق وحش الفيافـي لحومـه=والدّاب الاعمي رازقه دون مخـلاب
والصّقر والنّغري وديـك ٍ وبومـه=كل ٍ رزقهـا الله باليسـر واتعـاب
وأشباههم فالنـاس ماكـل طعومـه=ولاحِيل دون الرّزق لا قِدّر احجـاب
اللـي كتبلـك لازم إنـك تـرومـه=مكتوب فالارحام من قبـل الانجـاب
عنّ الركاب أو فالحلال امخطومـه=أو سير رجلي بين وديان وهضـاب
ما تنال غير اللي نصيبـك يسومـه=ومن دقّ باب الرزق بالجهد ماخـاب
ولاضاق درب اسلك طريق ٍ يشومه=لوكنت في ورقان بالفـاس حطّاب
وياسايق التّكسي قليـل ٍ غنومـه=مافيـه لضّميان ورد ٍ ومشـراب
عنّيت نفسك بعـد عشريـن حومـه=مشوار واحد ماجمع حق الاعطـاب
في ما مضى التّكسي كثيـره نعومـه=دايم محمّل في ذهاب ٍ وفـي يـاب
اجرتـك بالعـدّاد تفـرح بـرومـه=واليوم لاعدّاد ولا ركـب وازهـاب
ممنـوع تحميلـك وزادو سقـومـه=النّقل فـي حكـر المشاويـر نهـّاب
وحجز المواتر والقسايـم صرومـه=لظّهر .. وانّ الوقت مايل بمشعـاب
وتلقى ولـد هنـود ينفـخ جذومـه=يفتـل اشانيبـه ويرسـل لبنجـاب
ويرشي ويغشي كل مكسـب بزومـه=واحنا معاهم مثل مركون الاخشـاب
وذيـك الامانـه بالخيانـه نهومـه=جدّه مضت واليوم فتبـوك ننصـاب
جو الامانه ما صفـا مـن عسومـه=دام الهواميـر العواتـيـل نــوّاب
لاترتجـي منهـم ياكـود الغرومـه=أنته غريم يحطّ من فوقك انصـاب
تدري متى سعـدك تبـارق غيومـه=لاكـان للمسئـول تقيـم و عقـاب
في حينها المسئـول تنتـج فهومـه=وتلقى المواطن راقي ٍ فوق مرقـاب
وحنا ترا نيـران حمـرا ضرومـه=دون الوطن والسيف معزوز بنصاب
ودوم أبـو متعـب علينـا دسومـه=ياجعل من يشناه مـن دنيتـه غـاب
هذا كلامي جـاك واضـح عمومـه=مكتوب من هاجوس ذيب ٍ من ذياب
حربي ولد مسروح خـال وعمومـه=وفخري بدين الله ما افخر بالانسـاب
واعداد مزن ٍ جـات تبـرق ركومـه=صلّوا على المختار وعموم الاصحاب