خـالــد بـــن عـبـيـد الاحــمــدي =
من عـزم ثـمّ ٍ توكّـل يجهـد وربّـه يعينـه=وانت من نسل النّشاما من قبيلة حرب بشـري
شوف دربّ الشّام يمشى من شمال ارض المدينه=وكانـك امعـزّم تجاهـد لاتخيّـم فالزعـتـري
حــســـن عــلـــي الـبــشــري=
ما قصرنا أيماننا عن حـرّ مـا تقصـر يمينـه=وأنتْ وآنا نسلْ قومْ بْروحهـا للمجـد تشـري
اِقدُم اِقدُم واِبشـر إنّـا مـن سبقنـا لاحقينـه=عرضكم مغري و حنّا ما نفوّتّ عـرض مغـري
خـالــد بـــن عـبـيـد الاحــمــدي=
النّوايـا لـو تغيّـر المطـوّع سـاب ديـنـه=واعرفك رجل ٍ هواوي تتبع آبو طرف خـدري
لاكن اعصّ النّفس واصبر لايغرّك فيـه زينـه=وانتصر لشّام وانتـه شايـل ٍ بيديـك جثـري
حــســـن عــلـــي الـبــشــري=
النــــــوايا يا أجودي في صدر صاحبها سجينه=أغلب الظنّ إثمْ وانتَ عنـك مــدري عنـك مــدري
قبل تنصح غيرك اِنصح نفس في جوفك رهينه=لا تخم في بيت جارك وانتْ بيتك فيه مزري
خـالــد بـــن عـبـيـد الاحــمــدي=
بيتنا ساسه سليم مشرّف بماضي سنينه=وحاضر الايّام يابن بشر بامر الطّيب مطري
لاكن انّك طيعني والشّور لعقول ٍ رزينه=العرب قامت تشتّت بين شام وبين مصري