البارحه عيني يابو تركي ملازمها السهر = الصبح بان ونوم عيني راح ماهو بحولها
ماشكي من الايام قاسيها ولا زود الخطر = لاكن اشوف الي بعمّياها تدق اطبولها
احد ٍ حقيقه مايعرف الدم غير انه حمر = ويات كلمه جات في باله يجي ويقولها
وحد ٍ حقيقة حاسد ٍ لاشاف له كلمه طمر = السّذج الي قام ساذجها يسوق اخبولها
وحد ٍ اليامن قال قوله مثل نقش ٍ في صخر = مقيولت ٍ قبلي وانا جددت في مفعولها
ياشاعر ٍ غصت المحيطات وتجاوزت البحر = واهل الرسيسات بضماها تدّرج اللحنتولها
في ساعة الشدة راع الوقفات فالموقف ضهر = ضرب على صم الصخر كسر قوي اقفولها
اقولها من جد وافخر فيك ياتاج الفخر = ماهي بكلمة من يدس السم في معسولها
تحمل بياض الوجه كلمة حق ونطقها جهر = ياكاسب الثنتين كلمة حق حسب اصولها
هديت بالهده ووقت الصلح قدرت الامر = في ساعة الحملة وساعة وقفت بحمولها
وذي عادت اهل الطيبه والعرف ورجال الضفر = في عرفها وميقافها وايضا انتاج اعقولها
والي يغط النور هذا بالكلام المختصر = ظالم لنفسه والفعول الطيبه مايطولها
واقبل تحياتي مع التقدير مع جزل الشكر = اعداد من فوق الجبال ومن مشا بسهولها