قالوا تثور وقلت ثارت بعجه*
مايمدي الرجال يلحق عليها
يامن تبى درب المثايل تسجه*
قرب وانا بعطيك كانك تبيها
وان دجت العربان ماني بدجه
يوم الحيايا قد سمعنا وحيها
وان كان غيري في نواياه هجه
النار ياقع كل مطيور فيها
ان كان ثوبك منت شاريه فجه
نفسك تبرت منك وانت تحديها
يالي تزوم النفس للناس وجه
النفس عوبا لبغيت اتعصيها
خلك على منهاج بيض المحجه
والمقفيه تخبرك عما يليها
- عبدالله عيد الحنيني