السلام عليكم ورحمة الله وبركاته

هذا الكلام بيني وبين الشاعر عبدالرحمن دحيم البشري( ابوخالد )

أبو عبدالله

الجو رايق ومايحتاج
نبغا لنا حرف ونغنيه
عجل علينا وعطنا عاج
قدام لا صبحنا يطويه

أبو خالد

أبشر بها يالعميل أفواج
وهذا الذي كنت متحريه
يامن مشيتوا على المنهاج
ليلاً سريته ترى نسريه

ابو عبدالله

راع الوفا مثلكم ياسراج
نوره بدا والعرب ترعيه
نبراه والله بدون سهاج
لو كان للصين ما نثنيه

ابو خالد

وافي وشرواك مايحتاج
ولا نزود وانته نجم نرعيه
والمبتدي يرسم الأبراج
اللي عليها الهدف نرميه

ابو عبدالله

لي سيد سبب لي الإحراج
أقفى وعلمه ماعاد أوحيه
عقب في قلبي كما الوهاج
كل يوم وانا أتفكر فيه

ابوخالد

ان كان منجد تبي المخراج
عطنا السبب واكشفه وارويه
واتجيك وصفه وفيها علاج
في علمك اللي لنا تطريه

ابوعبدالله

صدفه رماني وفكري داج
لاني بيمه ولا باغيه
مثل القمر ناعس الأدعاج
احتل قلبي ومركز فيه

ابوخالد

ما دام وده في قلبك راج
ومثله علاج السقم يبريه
اسعى ولو تقطع الأمواج
لا تترك القلب و تعنيه