إخواني الأعزاء في منتدانا لعزيز
ملتقى حرب
السلام عليكم ورحمة الله وبركاته وبعد ,,,,
أطرح بين أيديكم هذه الزهورات وهي
من قديم كسراتي وخواطري ( للإطلاع فقط )
أتمنى أن تحوز على رضاكم
1
يمكن مِضالك زمن فرحان=وماتدري الغْي وِش تاليه
لكِّن بالإصرار في العصيان=لازِم يجي يوم تندم فيه
2
كُل ماأقول العتب فاصِل=يعزِل جروحك عن جروحي
أخاف أعاتِبك فالحاصِل=ويرجع عتابي على روحي
3
أنا على الطايله ضـاري=وماشي مع أهل الوفا قدام
إلى الورا ماألفِت أنظـاري=حِشمه لشله من الأقـزام
4
عاداتنا نحمـي الساقـه=إن كان في شمس وألآ فيْ
وإن جات لأصحابنا فاقـه=مايرُدنا عن وفاهُم شـي
5
بداية الغيث مِن قطره=تسقي مداين وتحييها
وبداية الحُب مِن نظره=العاقبه فـي تواليهـا
6
شريط الأفكار قام يلِّف=بيعيد جُرحي وألامـي
اللي لها سنين ماتنزِف=واليوم تستقصِد إعدامي
7
حتى لو إن السبب قلبي=اللي على نيُتـه حبـك
يبقى لك الذنب في ذنبي=ياهاجري خاف من ربك
8
حطْيت قلبي على الصامِت=وفي دقتُّه ماأستمَع سمَعي
ومن خوف يشمت بُه الشامِت=مااساوِم العين في دمعي
9
:p_9:
ياللي إستغليت حُبي لـك=وأصبْحت تلعب بإحساسي
ماتدري إني بديت أكرهك=وشايل محبتك من راسي؟
10
تنساني وإليا قِربت أنساك=تخضع وترجـع تذكِّرنـي
أخاف من كُثـر ماأهـواك=أشتـاق للـي يكّـدرنـي
وأموت وأحيا على ذِكـراك=وإنته ولا أنتـه معبِّرنـي
ياللي صدى الصوت مابكّاك=غنيـت لـك يامسهِّرنـي
ماجد بن عبدالله مفرج الجدعاني الحربي
( أبومديده )