وليف الشوق=
سلام لهل الوفا مايحيد = نهجه على الطيب في سيره
يا بوعمر ودنا اتفيد = في حال يزداد تطويره
حرب=
ترحيب يامن لك التمجيد=وشرواك في زود تقديره
ماارضى على مثلك التنكيد=وش الذي سبب الحيره
وليف الشوق=
بي جرح ماله علاج يفيد = صعبّ على الطب تبريره
كل ما الاطباء الفحوص تعيد = ماشخص الحال تقريره
حرب=
جرح المحبين يابو زيد=مانجهله سيرته سيره
ومنهم اذا انه لقي تضميد=راعيه زالت تفاكيره
وليف الشوق=
ماشكي هوى ياعسا ماتحيد = وماصابني جور تاثيره
خوفي من اللي يجيب العيد = فالوقت ويزيدني حيره
حرب=
خل الامل قصر عالي مشيد=الكسر ياسهل تجبيره
لامن الى الله رفعت الايد=اتشوف فالعسر تيسيره