قالت كلامك حلو لكنك تبالغ بالكلام = ماكل وحده بالجمال اللي وصفته نادره
والله لوهي من حكوا عنها وقالوا بالتمام = من مرته هالفاتنه قلبه يروح مصادره
لو شفتها يالشاعر المرهف لتبطي ما تنام = اللي ابهرت كل العيون الوارده والصادره
جمالها ما هو طبيعي ينبش جروح الغرام = وعيو نها بين الرموش اللي تصادم خادره
من زينها كل النساء راحن هكاليله حطام = حضورها خلى اجمل اللي حاضرات مغادره
شف عاد لو مرت عليكم كم رجل منكم يضام = على طعن قلبك وقلب اللي سواتك قادره
بنت الشيوخ اللي حكى التاريخ عنهم للأنام = ما هيب حي الله ولاهي في نسبها حادره
راحت توصفها وعدتها السحايب والغمام = قلت اسئلك باللي خلقك اش اسمها يا مبادره
قالت : (فلانه) قلت : يا دين النبي ليه الملام= هي .. هي .. هي اللي قلت عنها في قصيدي نادره