حيالله الي كل بوهن عريبات=بنات هرشن لا مشى واتبعنه
يم النفود الي بها عشب ونبات=يبن قطف ورودها من مجنه
وضح مغاتير تلاد سلالات=من زينهن كل العرب مستجنه
غطن على الذيدان في كل ساحات=احدن ارفعن راسه واحد ن امرضنه
ويقودهن راع العلوم السمينات=رجلن يروم الطيب من صغر سنه
من لابتن يوم السنين الصعيبات=ام قضبوا للسيف والا الاعنه
هم السهول اهل العلوم القديمات=اهل السيوف البتر واهل الاسنه
أبكار هم ترعى الديار المخيفات=ومن فعل اهلهن الخطر يامننه
واقبل سلامي والمساء والتحيات=من صاحب نظم الدرر يعجبنه