العطيب =
سلام له فالملا تثمين = ياصلك فوقه معزتنا
وخلك معي بالوقوف يمين = لين اوفي لشرح قصتنا
بخيتان =
ترحيب له بالصفا تدوين = يرفع مهابة علاقتنا
وآنا معك ماقفي لو وين = مارحت 0 ثابي بإرادتنا
العطيب =
تبقى ودايم من الوافين = ماتضيع بك يوم هقوتنا
مديتهم بالوفا ضعفين = ولي مدهم عكس مدتنا
بخيتان =
مثلي على النايبات يعين = ياللي ماتجهل مروتنا
إدرا الوفا كانهم غالين = وفصّل لنا حسب رغبتنا

العطيب=
ماتتهم بالردا والشين=نعرفك من طول خوتنا

اللي معاهم وقفت سنين=اليوم نسيو لاخوتنا


بخيتان=


لاتقول خلف الوصال يدين = تقطع حباله وتبهتنا
ترى اتهام البري مايدين = بلا دلائل في جلستنا



العطيب=

مانتهم واليقين يقين=فاللي تسبب في صدمتنا

برهان.ماقلتها تخمين=الله يا مكبر مصيبتنا
بخيتان=

(خوة) و(اخاوة) و(دم) و(دين) = 0معكم0 محاور مهمتنا
الله عساها العلوم تزين = في مشكلة بينكم 0 جتنا
في رموزها مايبان يبين = في حكم صادر إفادتنا
بالعفو اقسى القلوب تلين = جاز الحكم لك نصيحتنا