بدع الشّاعر / فوّاز الزويهري=
المعاني سوات البحر يوم فاض.. واستهلّت مزون الفكـر وارعـدت=صاحبي خالد الأحمدي ازهمه ..لجل عندي كلام ٍ سـوات الجنيـه
صيرفيّن فكل التّجارات خاض.. سلعة ٍ سامها عند اهلهـا زهـت=ياسلامي سلام ٍ ربوح اسهمه..سهم في سـوق للمرجلـه نشتريـه
ياعريب اول القبلتين استغاض..والمآذن علـى اهـل الأذان انقمـت=والصباح المنير النكير اعتمه..والشجر والزهر صار طينـه عليـه
والنّهر من شرور المخاليق غاض..والمطر ماهمل والجبال اصدعت=والأسد موطنه لطخه من دمه.. نقمة ٍ كيف منهـا الأمـل نرتجيـه
والبشر مايفرق سواد وبياض..كل نفس ٍ لهـت والمحاجـر غفـت=صمتهم قاع فلك البحر يخرمه..وأغرق الكل والمـوج مـن يعتليـه
وقت فيه القلوب الصحيحه مراض..والمريضه علت للعوافي احتـوت=امة ٍ صوتها منهو اللي اكتمه..وألجمـه واسلمتلـه علـى مايبيـه
امة ٍ صابها سقم كرب المخاض.. والتّخاذل لنا والهزيمـه انجبـت=ضحكنا وبكينا غيرنا صممه ..فـوق مليـار مثـل الزبـد يزدريـه
خالد اعبيد مثلك حسبناه قاض.. احكم فدعو ة ٍ نارهـا مـا طفـت=والخطا منهو اللي لنا عظمه.. حال فيـه استحـال الـدوا يحتويـه
هاجسي لجلك الألمعي لك هاض.. والمثايل سوات الركاب اسرعـت=والجزيله لها حبل بك نبرمه.. شاعـر ٍ حرفـك المجتبـا ننتخيـه
عدّ مزن الحيا اللي به البرق ناض.. من ثعوله جميع الرياض ارتوت=ذكر ربّ ٍ كريم كثير انعمه.. يكـرم العبـد لاكـان مقبـل اليـه
ردّ الشّاعر/ خالد بن عبيد الاحمدي=
المعاني تساق وعليها بياض..وجهكم يارجال اهرجت وصدقت=صاحبك لازهمته ترى تلزمه..بالجواب الصّواب الذي تحتريه
ياحكيمٍ لاجات المشاكل عراض..يجتهد بالعزم لين عنه انتهت=مرحبا عدّ منهو يعزّ اقلمه..تاصلك وافيه ياالصّديق النّزيه
قدسنا ماندوّر بديله عواض..ولاتضلّي عدا بالرّذيله غزت=تشرق الشّمس تضوي سما مضلمه..تكشف اللي غدر من سواد الوجيه
مايخيب الامل فاللي يروي الحياض..واحد ٍ ينصر اللي بليله دعت=صاحبك يالزبيدي فهم وافهمه..وضعهم مايسرّك ولانرتضيه
والزّعيم العدل منزله بالرياض ..والعرب لبو متعب بذاك اشهدت=يبا ياطا على اهل الرّدي بقدمه..جعل ربّي لنا يحفظه ويحميه
والمسمّى باسد من نعاج ٍ رباض..ماضي النّاس ينبي عن اللي بقت=من رداته تفاخر بجرم اجرمه..بشّره بالرّدى والخزا يقتفيه
وامّة العز تنصر بدون اعتراض ..لو جميع البوادر عليك اختفت=نصرها يقترب دامها مسلمه..وخصمها لاتوفّى خزي من نعيه
مافتله العداعندنا له نقاض..وقت ضرب اليهود المصيبه هدت =والتّخاذل سبب فالرّجل يهزمه..والغيور الشّجاع العدو يتّقيه
نطلب اللي له الحكم فالعبد ماض..مهلك ٍ كل قوم ٍ طغت وافسدت=ربّنا يجعل انّفوسنا ملهمه..الطّريق الذي يزعله مانجيه
عدّ من راح للبنك لجل اقتراض..وقّع الكنبياله بعد ماكتبت=نشكر الله على اللي لنا يقسمه..والشّكر طبع من ربّنا مهتديه