مالوم قلبي لياحبك ومالومه= لاعطاك صدق المحبة مع مشاعرها
ولالوم طرفي اليامنه جفى نومه=وشلون ترقد عيوني يامسهرها؟!!
وانته لياغبت كن النفس مكلومه=وكن المحاني بها نارٍ تساعرها
لهفة وليفٍ تزايد فيه وتزومه = حتى عيونه تنثر له عبايرها
قلبه عطاك الغلأ واتقن لك.رسومه=في لوحة الود بشعوره يصورها
رسم بها وردة الاشواق يشمومه=تفرعت بالخفوق وفاح عاطرها
وجتله حروف المثل بحساس مزهومه=احلى العناوين بحروفه يسطرها
قلبٍ تفردت به واعطاك مرسومه =اشواق بالثانية يمك يصدرها
بحرالغلا سابحه .بالشوق و يعومه=اصداف دُره لكم ينثر جواهرها
لو سامه اللي رفع له بالغلأ سومه=ماعطاه من نظرته والناس حاقرها
بكيفهم لوتزايد منهم خصومه=متجاهلٍ صاغر العالم وكابرها
يعيش في جو ودٍ تمطر غيومه=سحايبه من رهيف حساس مصدرها