ياقلب لا تشكي همومك على الناس=شكواك للوالي كريم العطايا
الناس مافادوا عليلٍ شكى الباس=ولا اللي شكى من سيل وادي تمايا
ياهم قلبي هم من صابه الياس=من ناس ماتحسب لغدر المنايا
ولا تدري أن الشر لاجاء كباس=ما ينعرف وقته ولا له حلايا
الخير ما يغتر به شايش الراس=ولا يغر راع الميز كثر الحكايا
والبيت ما يرفع عموده بلا ساس=ولا يزيِّن المدهال كثر المرايا
عزاه منه محتزم حبل منلاس=لا يدل من يكسي ولا أكسى عرايا
وعزيز منه حزت الظيم نوماس=عينه على البيضاء وحسن المزايا
البيض ماهي بن يحمس بمحماس=ولاهي هدايا تساق فوق المطايا
البيض للي ما شكى كتم الأنفاس=يوم القلوب تفز فوق الحنايا
مثل اِبْن طفيل فكاك الاعماس=ذخر البلاديه عدو الرزايا
واحمد ويوسف مذريه كل منحاس=فرسان عوف مذريات الضحايا
ربعٍ تسوم الروح وفلول جساس=ما كنهم الا فوادي مضايا
لا عندهم وازع ولافيهم احساس=ولا هزهم وقع البلاء والبلايا
صحيح أن الناس ياقلبي أجناس=ماهم مثل ما نشوفهم في العبايا
ناسٍ تسوم الفلس في سوق الافلاس=وناسٍ تشيل الطيب بين الحنايا