مـــــاجـــــلان =
عن الوفـا انشـد العُقـال=وش رايهم فـي مغنّينـه
لاصار في حـزة الافعـال=ماطبقـوهـا قوانـيـنـه
حـــــــــــرب =
كثير فالناس قـال وقـال=وقولٍ بـلا فعـل ياشينـه
وهذا لاتبني عليـه آمـال= اللـي مايوفـي موافينـه
بخـيـتـان الـبـشـري =
بقولهـم ماتشقـى بـال =لو طال بالصوت معلِينـه
الفال كـل ماقفـاه عقـال =يعقِل مضامين في حينـه
حـفـيـد الحـجـيـري =
ما كلّ جوف البشوت رجال =كم بشت وقت اللزم زِيِنـه
واللي ما له فالوفاء مكيال =لو يدّعـي فعلـه يدينـه
بـيــان الـصـمــت =
مـا للوفـا بالحكـي دلّال =ممّـن فـالاوراق قارينـه
راعيه من منبتـه فعّـال =ويثبّتـه فـي مياديـنـه
علـي عـيـد البـشـري =
ابشر بعزك وطيب الفـال =والراي حاوي مضامينـه
اهل الوفاء ورثوه اجيـال =والمعدن الزيـن حامينـه
أسير الغرام =
أهل الوفا من قديـم أجيـال =تبـدو عليـهـم عناويـنـه
يؤكدونـه فعـل .. ومحـال =قصورهـم عـن مياديـنـه
وعن جادة أهل الوفا من مال =ماهـو مـن اللـي مؤدينـه
يعذر في حين الظروف عضال =وغيرهـا كـذبـه يبيـنـه
الاستاذ صالح الحربي=
لا راح صبري وهمي طال = مافاد في العلم راعينه
تبقى الزرية وميل الحال = على اللي سنوه وماشينه