المجموعة الأولى
سلام لاهل الفرح والدار=ويضفي على الجمع وحضوره
بثه على الأرض والأقمار=منقول بالصوت والصوره
المجموعة الثانية
ترحيب ذالحين فالمحضار=من بال وقلوب مسروره
نكشف له الجو بالرادار=وناخذ معه فالفلك دوره
المجموعة الأولى
عسا البقا والهجوس خيار=والطيب مرسوم فسطوره
معكم نبا نكمل المشوار=ياسادة القيل وصقوره
المجموعة الثانية
البني يصلح مع البيطار=قدامك قصور معموره
واللي يبا حضرة الشعار=يبذل لهم كل مقدوره
المجموعة الأولى
من يعرف الدرب مايحتار=وكلٍ بعرفه ومخبوره
وانا طلبته من الثمار=في وارد العلم وصدوره
المجموعة الثانية
الكنز مبني عليه جدار=في قاعة اليم وبحوره
ومن مال فالعمق فالأبحار=قدامه خطوط محذوره
المجموعة الأولى
راع الطلب يركب الأخطار=في غبة البحر وبروره
مادام حسب الطرايق صار=وله عقل يمشي على نوره
المجموعة الثانية
يامشعل القيل له خبار=وانته طبيبه ودكتوره
مختوم فالظرف بالأمهار=ومصدقه مجلس الشوره
المجموعة الأولى
لاتخص حنا ثلاثه أنفار=ماهي على ناس مقصورة
مابين الاجواد لاتختار=قدامك اعلام منشوره
المجموعة الثانية
مشعل ترا من رجال كبار=وكل قوم لابد مكبوره
ولااكهفتوا أعطيكم المعذار=منقي من الغش والبوره