المشاركة الأصلية كتبت بواسطة الهيثم

الرعد=
الا ياربي اليله بسعة البال والصدري=نبي نلعب مع الهيثم وخايف من تواليها
اعرف انه فيهم ويلعب القلطات والحدري=لاكنه لازعل ضيع وخربلي مباديها
الهيثم=
انا صدري وسيع وعن صدور الناس ماندري=لاكن العب عسى ربك يسويها يسويها
ترا الهيثم على وضح النقى مايعرف الغدري=وابا اعطيكم نصيحه لاتجيني في مالاويها
الرعد=
صدور الناس ماتزعل ليا مالقيت المشري=يبون الغاليه والغاليه من حض راعيها
وانا ناصيك بالطيب وبالطيب لكم محري=وعلومن روحت قدامنا لا عاد تطريها
الهيثم=
مادام انك تبا الغالي تجي لسوق من بدري=وتوقع للمقاضي من قبل لاتكون قاضيها
ومن جاني على درب الوفاء له عندنا قدري=ومن يبغى البلاوي حط راسه في بلاويها
الرعد=
انا تاجر وكل اللي يجي بالسوق به ندري=ولا نغلي يكود اللي جميع الناس تغليها
عساك ادوم ياللي تقبس النيران فالفجري=ودلتكم على الظيفان حره من مغاليها
الهيثم=
اضن انا تفرقنا بعد عديتلي كبري= ورعد العز اخذ مخرج وروح في مناحيها
أخذنا قافنا كامل ومايبقى لكم شكري=واشوفك في ليالي ثانيه فسعد لياليها