صديق عزيز ارسل لي ثلاث ابيات من منقوله وارسلها لي لقناعته بها
ورددت وجاريت الابيات المرسلة وان كانت قناعتي لا تتطابق مع قناعة صاحبي ....

رسالة صاحبي

تبي الصحيح الوقت شانت مزاياه****يبعدك عن حي(ن) تعزه وتغليه

وتبي الصحيح الصدق ماعاد تلقاه****ولاعاد تلقى لك صدوق(ن) تخاويه

وتبي الصحيح بدون كذب(ن) ومراواه***نفجر لمن مثلك صدوق(ن) نماشيه


ردي وجاراتي للأبيات السابقه


تبي الصحيح الوقت زانت حلاياه****وأنت جمال الوقت ياعايش(ن) فيه

وتبي الصحيح الصدق ياصعب مرقاه****وأنت الصدوق اللي تعلى بعاليه

وتبي الصحيح الشعر يازين معناه****لا صار فى ردي لك الشعر نهديه