يا سلامي على شيخ السعد والعيالي=صاحب الدين والأخلاق واللي بعدها
راعي الطيب أبو سلطان راع الجزالي=العلوم الرفعيه كلبوها وجدها
مجلسه عز والجار فيه الدلالي=بمجلسه النشامى يتزايد عددها
الله يديم عزك يالرجال الزحالي=أبو سلطان وأفعاله كلن شهدها
الله يديم عزك يا كريم السبالي=الفعول النقيه من يمينه وكدها
غازي ومجلسه عند الرجاجيل غالي=من قديم السنين كلها مع جددها
يا أبو سلطان تسلم يا رفيع المقالي=والرجاجيل تعرف من فعايل يدها
هذا هرج الصحيح ولا بهرجي خيالي=كل ماجاءه عاني ضيقته له بردها
الله يديم عزك ولا يجيلك زوالي=أنت شيخ اليزد يا عزها يا سندها
يا أبو سلطان تسلم يا رفيع المثالي=راعي الجود منه كلمته نعتمدها
راعي الدين وبعلوم الرجاجيل عالي=كلمتن من ضميرك نستندها
والردى عند أبو سلطان ماله مجالي=ونفس تلفي عليكم تبتعد عن نكدها
والكلام الحقيقي زانلي واستوالي=أفعالكم من قديم الوقت محداً جحدها
ابن متروك ما يعرف الردى والميالي=والعلوم الرفيعه من يمينه زيدها
يا دخيل المضيق من ضيم الليالي=والعلوم الرفعيه كلها لمن وجدها
يا زبون البعيد ويا زبون الموالي=حراً من فكره الطيب يحلحل عقدها
واليزد من قديم الوقت ماهم توالي=من زبن يمهم مبشراً في سعدها