أبوفياض النويمي=
سلام للملتقى من قلب=مايعرف الحقد والغيره
والحاقد اللي يباله طب=في طبه الطب في حيره
والملتقى باسمكم ياحرب=لو كان به باسمكم غيره
حنا لنا عن سوانا درب=والكل منا على سيره
جميل حميدان=
ترحيب لك بالذهب يكتب=عن ملتقى حرب يامديره
واللي تقوله بلا مذهب=ماهمنى شره وخيره
واسم القبيله لها ينسب=والحلم معروف تفسيره
حنا معك سلم والا حرب=لو كان كلن وله ديره
‏خليفة المزروعي=
ترحيب مثل المطر لاصب=ويعم وبله على الديره
للي غرس فالقلوب الحب=وأفرض على الكل تقديره
ومنهو حقد ياعساه ايشب=وفي قلبه اتحط تثويره
الله خلقنا شباب وشب=لاالدين والضيف والجيره
سرور البشري=
يامرحبابك هلا ياذرب=شرواك محفوظ تقديره
وقالوا فالامثال منهو شب=على الردى سيرته سيره
حنا معك سلم ولاحرب=والحقد واهله لهم ديره
بعيد عن ملتقانا غرب=وامثالهم مالها جيره
بخيتان البشري=
ترحيب دايم وصدقه صلب = مايلين والا معه طيره
اللي جلب للردية جلب = به لاصقة يالله الخيره
الملتقى بالقبيلة يغلب = مافيه لفة وتدويره
رمح الوفا خالبينه خلب = ماهمنا شارب البيره
تلميذ الكسرة=
يا مرحبا يالمدير ف حرب=و من طيبهـــم حق تقديره
آنا اشهد انك تنير الدرب =و تضوي على ساير الديره
ويللي تعين الذي فالكرب=وهــــذا الزمن دوم تكديره
ما يتجه شرقها والغرب=يسأل على حـــرب و مديره