وليف الشوق =
يامرحبا بالصحيب اللي = مثل المطر عندنا ملفاه
ترحيب له كل ماحلي = على الوفا يارفيع الجاه
بخيتان البشري =
تبقى على الطيب متعلي = ياقصر ساسه جويدّ بناه
راع الوفا مثلك يهلي = باهل الوفا كل ماتنصاه
وليف الشوق =
للآوله ابوك محتلي = ونهجه ورثته على مرباه
والآن ياليتك تقلي = اوحيتو اليوم ما اوحيناه
بخيتان البشري =
بالطيب شرواك متحلي = وتاريخكم فالكتب نقراه
نسمع عن اسعد عمر قلي = حاشي يقلط على من جاه
وليف الشوق =
واحد على حسب ما ارسلي = يقول في رسالته عيباه
المشكلة جاه متولي = ومن فول باناعمة عشاه
بخيتان البشري =
لايمكن يكون متخلي = عن ما تعودّ عليه آباه
يمكن من ضيافته ملي = ومتولي ادنات مارضاه
وليف الشوق =
اللي بالاخبار متكلي = يسعى وراء العلم لا منهاه
يدوس فاحيان ويجلي = والعلم لو بان مانخفاه
بخيتان البشري =
من جابها الشايعة يضلي = يطرد سرابه ومن راعاه
يرعى في مرعاه ويفلي = وترعى رعيه رعي مرعاه