ابوفياض النويمي=
سلام للملتقى من قلب=مايعرف الحقد والغيرة
والحاقد اللي يباله طب=في طبه الطب في حيرة
والملتقى باسمكم ياحرب=لو كان به باسمكم غيرة
حنا لنا عن سوانا درب=والكل منا على سيرة
جميل حميدان=
ترحيب لك بالذهب يكتب=عن ملتقى حرب يامديرة
واللي تقوله بلا مذهب=ماهمنى شره وخيرة
واسم القبيله لها ينسب=والحلم معروف تفسيرة
حنا معك سلم والا حرب=لو كان كلن وله ديرة
‏خليفة المزروعي=
ترحيب مثل المطر لاصب=ويعم وبله على الديره
للي غرس فالقلوب الحب=وأفرض على الكل تقديره
ومنهو حقد ياعساه ايشب=وفي قلبه اتحط تثويره
الله خلقنا شباب وشب=لاالدين والضيف والجيره
سرور البشري=
يامرحبابك هلا ياذرب=شرواك محفوظ تقديره
وقالوا فالامثال منهو شب=على الردى سيرته سيره
حنا معك سلم ولاحرب=والحقد واهله لهم ديره
بعيد عن ملتقانا غرب=وامثالهم مالها جيره
بخيتان البشري=
ترحيب دايم وصدقه صلب = مايلين والا معه طيرة
اللي جلب للردية جلب = به لاصقة يالله الخيرة
الملتقى بالقبيلة يغلب = مافيه لفة وتدويرة
رمح الوفا خالبينه خلب = ماهمنا شارب البيرة