مضحي بن جمران=
سلام الله سلام عارفٍ بيـن المـلا راعيـه=غريب الاسم وش الاسم جعله طيـبٍ فالـك
وراك مخلفيي يعني طريق الناس ماتمشيـه=عساء الله منك يستر وانت ربك يستر احوالك
المخلفيي=
هلايامرحبابـك يالمـنـادي يالله تحيـيـه=ينادي باسمي اللي مشتهربه واسمي السالك
كبن اسمي لحالي يالسنافي ماحد مسميـه=وانا لي بصمهٍ بالدار وش يطري على بالك
مضحي بن جمران=
يدوم ابك البقاء ياشاعرٍ بالاسم لو ندعيه=عسير وبدله بالجزل لو كلفك من مالـك
عسى ربي يبارك بالاسم لاشك لو تهديـه=على من خالفو نهج الجماعه كانه اشوالك
المخلفيي=
انااسمي جزل ماني بايعه للناس لو تشريه=ولكن اسم مضحي لو ابيعه تقعـد لحالـك
ترى معناك واضح للعرب ماتعرف تخّفيـه=ياليتك تدفن الجمر الحمر في وسط منقالك
مضحي بن جمران=
على كيفك ياعبدالله لعل الاسم ماتغديه=واذا ماساعفتك الذاكره حطه بجوالـك
تريح كان ماتقدر وخل القوس مع باريه=صعيبه لارقيت لقمةٍ ماهـي بمنزالـك
المخلفيي=
يقولون الرجال اللي مايعرف للصقر يشويه=صحيح ان الطيور اشكال وانته دور اشكالك
عجايب ياعجايب شب ناره مار فرت فيـه=يامضحي لاتشب النار ليـن تبهـر دلالـك
مضحي بن جمران=
اعرفك والسنع دايم تجينـا حـادرٍ واديـه=واذا طولت في طبعك كذيـا تعتبـر هالـك
لا و الله والمريض اللي سواتك خالقه يشفيه=تراء مفروض ياوجعان عنا تعـزل لحالـك
المخلفيي=
لا بالله صار مشيك يابن عمي فيه مالافيه=وش اللي يقحمه بالملعبه ماتطلع اشوالك
اطالع في سنام شعيل وانت تطالع برجليه=ياليتك في السنام تمد عينك وافق جمالك
مضحي بن جمران=
شهادة حق ابديهـا خويـي تزعلـه ترضيـه=ولا منك زعلت من الحقيقـه راجـع افعالـك
تبعد عن شعيل احرص ينوشك في خفوف ايديه=يابو نيه وسط طعني تسنع واحسـن اعمالـك