وابـوك ياوقـتٍ كثيـره بلاويـك
ياما افقدت عيني من الناس غالي
مرحوم يامن دمعة العين تبكيـك
يامن على روس المراقيب عالـي
صيّاف ابن عواد مااحدٍ بناسيـك
ياابن الحرار اللي تفـك التوالـي
تدحم بجنبٍ منه ضايـق معاديـك
واللي تنكرلـك مايسـوى ريالـي
تبكيك حرب اللي تنومس بطاريك
وعزوة شبابه في جنوب وشمالي
والمملكه وارض الخليج ومحبيـك
ويبكيك شعرٍ بآخر الوقـت بالـي
ياشاعرٍ باالقاف وينـه مجاريـك
يامدرسة نقض وفتـل وارتجالـي
تاقف مواقيف السعد حين يدعيـك
الماقف الغصـاب مثـل الجبالـي
ماغيرت سـود الليالـي مباديـك
ولاتشتري هزله وسـوّام غالـي
من خلقتك طيب ولاحاشت يديـك
الاّ المراجـل كايـدات المنـالـي
ياهادم اللّذات وش فيك وش فيك ؟
تنقـا شيـوخ القـوم ياهملالـي
تغيب ياصياف والنـاس تحييـك
فقلوبها وذكرك حشـاه الزوالـي
عسى الولي من واهج النار ينجيك
وعسى جنان الخلد هي المآلـي .
....................
رحمك الله ياصياف وأسكنك فسيح الجنان
عبدالله ميزان