هذه الابيات المتواضعه
قلتها بالدكتور شجاع بن متعب بن غميض البيضاني الحربي

لاتبتحـل ياذيـب خـلّك رجـاوي=بـالـواحـد المـعـبـود ربٍ حـفـيّـا
ثـم احتزم باالشّيخ حـرٍّ نـداوي=قـال احتزم بـي للثّنادي اهـنيّا
شجاع ابو متعب بـعيد الهـقاوي=لــه منزلٍ فــوق الـقمر والـثريّا
عـز الرفـيـق وبالمـراجـل رهـاوي=دكـتور عـلم وبه طـناخة احـميّا
من روس حرب مزبنين الجلاوي=الله خـلقـهم باالشـجـاعه كــذيّـا
ميقافهم معروف يـوم العزاوي=يردون حـوض المـوت كـانه تهيّا
بيضان لاشان الزمـان القـصاوي=من جـالـهم يلقـا الذّرى ويتفيّا
اصل المـراجل ماتـجي بالمـناوي=يتعـب لـهـا الرجّـال مادام حيّا
مـاقـل دل وعـد وبــلٍ سـمـاوي=صلّـو عـلى مـحمد رسـولٍ نبيّا