قررت احط انقاطها ياصاحبي فوق الحروف=واللي يجي فيها يجي فيها على وضح النقى
اما تجينا بالجمل ولا تجينا بالخروف=ولا تروح ياعساها روحة (ن) دون اللقي
انا صبرت اسنين لين الحمل نزلي كتوف=والصبر لامنه تجاوزفي حدوده يتقى
الحق حق وينقبل لو كان في ضرب السيوف=واللي يكب الحق ماله فلعرب رمز وبقى
انا تراني للمجادل فالخطا كره وعيوف =الله خلقني للمواقف والمراجل تنتقى
يوم الصداقه ماتبين غير في وقت الصروف=انا تحصلني على المشراف مانشكي شقى
ماني كما اللي يعتذر لاجات لاالصحبه وقوف=وان جاء نهارن للحكاوي له لسانن مطلقى
الناس واجد ياصحيبي فالرخاء تلقى صفوف=وقت الشدايد غير واحد فالنوايف لك رقى
قررت احط انقاطها ياصاحبي فوق الحروف=واللي يجي فيها يجي فيها على وضح النقى