العيد ببلادي شروخ ونوافير=والشام عيد الشام صوت القذيفه
حنا لبسنا مثل لبس المشاهير=والشام ملبسهم كفونن رهيفه
زكاتنا بالعيد رز ودنانير=وزكاتهم بذل النفوس الشريفه
حنا نقضي عيدنا بالمسايير=عيد السلامه والعلوم الظريفه
واعيادهم بالشام بجد الطوابير=متبادلينه بالليال المخيفه
هم دون مكه والجزيره مخاطير=وحنا زعيم الفرس فيها نضيفه
بقلوبنا دق النصيري مسامير=وزاد الغبينه يوم يسعى حليفه
ياعيدنا جيتك مابه تباشير=الجرح ينزف محد وقف نزيفه
لاشك سنه من عليم المقادير=اللي من افضاله بلدنا مريفه
لكن ترانا بالقضيه مخاشير= مانرتضي هتك الغنوج العفيفه
اما يعم الشام سلم وتياسير=والا على قول المثل بالنصيفه
من خوف يوم اتدور فيه الدواوير= والعاقبه تصبح علينا عنيفه
في وقتها معاد تنفع معاذير=والا الحسيفه ماتفيد الحسيفه
واختامها ياكبرها يالمناعير= ياكيف نرضى بالنصيري وحيفه