البارحه يوم المخاليق هجاع=عيت لذيذ النوم عيني تشوفه
كن اللهايب تشتعل بين الأضلاع=يزداد واهجها وقلبي تلوفه
سبت خبر عبر القنوات ينذاع=موت الصديق اللي قليله وصوفه
يالله عسى له جنة الخلد مرباع=واقبل دعاء عبداً رفع لك كفوفه
مرحوم يا صياف يا رمز الابداع=ياللي حزيل الشعر سطر حروفه
قدم درر للشعر من كل الأنواع=يجيب صعبات البيوت معسوفه
يا فارس القلطه ويا دمث الاطباع=له هيبتا بين الملافي وقوفه
من بعدكم ما نفقد الشعر لو ضاع=ولو كثر شعاره وكثروا صفوفه
يا كم بدرا غاب من بعد مطلاع=ويا كم رثينا واحدا من سيوفه
حكم القدر لا حان ما عنه مرجاع=ودنيا المآسي ما عليها حسوفه