الأخوه والأخوات
يسرني ان انقل لكم كل ماكتبت من محاولات متواضعه في فن الكسره
امل ان تحوز على شي من اعجابكم علماً انها كثيره وسوف انقل لكم ماأستطيع
كل ماسمح لي الوقت علماً انها فيها بدع ورد ومساجلات في عدد من المنتديات
واليكم يالغالين
البدايه
محمد خيرالله الردادي
يامرحبا شفت لمتكـم = حيالله الكل ياشعـار
بالله بالله همـتـكـم = نبغى نسجل لكم تذكار
وتوالت عليها ردود من مجموعه من الأخوان في احد المنتديات واليكم الردود
مسلم المحمدي
فالقلب دايم مودتكم =ويشهد علي عالم الاسـرار
نكتب على شان خاطركم = تامر ونكتب كما تختار
ابوفرح
حسب الطلب من سعادتكم=امر وحنا لكـم حضـار
نسعى معك حسب رغبتكم=ياقايد الصـف يابيطـار
محمد الردادي
الشكـر زادت معزتكـم = مني تحيه مـع مقـدار
نبغى من أشعار كسرتكم = كسرات يطرب لها الزوار
الرد من كارم
تقديــــرجينــا لـدعـــــوتكــــم = ومراجعـة مجمــل الأخبار
بخصوص دعوى لحضرتكم = قدمتها ما عرفت إيش صار
ابوروان النويمي
بالعون زانـت محبتكـم= من يوم فيها الرجال اخيار
تذكار مشـرف يذكركـم = ويبغى جهود ويبغى افكار
محمد الردادي
ياناس ماهي بعادتكـم = والعاده الناس ماتحتار
تقرأ ينابيـع صفحتكـم = كسرات كالسيل والانهار
الرد من ابوفرح
ارسالها فاق سرعتكم=ياسيدي شغل الرادار
اظنها عين صابتكـم=لعلها تكتوي بالنـار
محمد الردادي
سجل يفخـر بخوتكـم= منكم تعلمت انا الأشعار
نطلب زياده لخبرتكـم = نحتاج ياخواننا الأكثار
الرد من الشاعر تركي الشيخ
جينا ومـن بعـد جيتكـم=والقصد معكم نبي المشوار
جينا على حسب رغبتكـم=يالمشرف اللي تحكم الشار
الرد من ابوفرح
مادري عن اسباب غيبتكم=يااصحابنا ياملوك الكـار
شااللي عن القاف مانعكم=لااشعار جبتوا ولا اعذار
الرد من تركي الشيخ
غايب ولا انكر محبتكم= اسباب بندق بدون اعيار
نيشانها فـوق حبتكـم = لكن ماترمي الاحـرار
الرد من ابوفرح
لاينقطع خـط رجعتكـم=من بعد جيتوا وجينا الدار
ماشفتها يـوم شافتكـم=تنثرلك الورد والازهـار
تجاوب الأخ خوالي حرب
يامرحبا جاتنا منكم = ومليون ترحيب عند رجال
بحط قولي فقولتكم = حتى تشوفه كثير أبصار
محمد الردادي
يامرحبا شفت عودتكم = يانجم ساطع مع الانوار
والبندق اللي تحدتكـم = نبا نسلط لها المنشـار
ولكم تحياتي