خالد بـن عبيـد الاحمـدي =
قــدّام يـبـدا تحـاورنـا=سـلام بالطّيبـه مسيـوس
ومن بعد هاضت خواطرنـا=بالودّ محتـاج منـك ادروس
فواز بن محسن الزّويهـري =
ترحيـب يـامـن يقـدرنـا=وله قدر محفوظ فوق الروس
ولك غالي الحـرف سطرنـا=موزون حسب الطلب مقيوس
خالد بـن عبيـد الاحمـدي =
تبقـى بطيبـك تباشـرنـا=ياشهم فيك الوفـا مغـروس
والحرف عن حـال حيرنـا=يشرح لك الواقع الملمـوس
فواز بن محسن الزّويهـري=
من أجلـك اليـوم غامرنـا=ونغوص للولـو المدسـوس
ولشاطـي الفكـر صدرنـا=كل الذي فالشجن محسـوس
خالد بـن عبيـد الاحمـدي =
ماكـان يقطـع مسايـرنـا=وللجلي يكايد شرور انفوس
كيـف العمـل فيـه خبّرنـا=بعد انتكس كنّه الممسـوس
فواز بن محسن الزّويهـري =
فـي طبـّه الله يقـدرنـا=لوكان يظطرنـا للمـوس
وبالـود للقلـب خـدرنـا=وتستخلص اللي منه منكوس
خالد بـن عبيـد الاحمـدي =
ياليت ماضيّه حاضرنا=مايهمّنا لو يجي بفلوس
على هوانا يعاشرنا=ولا نشتكي حاله المعكوس
فواز بن محسن الزّويهـري =
لاتقول ماهو معاصرنا=ويصبح سرابه معك محبوس
امشي بكيفه بسوايرنا =واسقيه من بنك المحموس