جمل الله كل من ساهم وشكرآ للزبالي =وكل وقفه طيبه تجزاء ثلاثين ٍ دبلها
حرب ربعي بالسنين الاولات وبالتوالي = جودها يشبه سحابه سيلت بأول هللها
لا هياط ولا مصالح من كريمين السبالي = البيوت العامره جاء طيبها من طيب اهلها
ياسلام الله سلام لحرب الاقصى والموالي = من هجوس الحربي اللي في لزومه ماعقلها
جت ترايع من جنوب وجت ترايع من شمالي = شايشه من فعل دولة حرب عن باقي دولها
افرحي يم الشجيع وعيدي قبل الهلالي = المسافات الطويله ما تطول إلا نصلها
قادها بندر سليل الفرم زيزوم الرجالي = والثقيله مالها يوم اللزوم إلا جملها
وانتخينا واعتزينا ما تغالينا الريالي = وراعي الفتنه صنع فتنه وحاطت به واكلها
بيض الله بيض الله وجه صلفات الليالي = عرفتنا بالذياب وعرفتنا في ثعلها
قلتها وانا ما اقول إلا اليا جالي مجالي = وكان ما جالي مجال اقول للي غير قلها