ياحرب ياهل الفعل ياحرب يالابه=ويش عذركم من عجوز باسمكم تعزا
تبكي وليدٍ لها يوم القدر صابه=تبكي سندها وعماد البيت والركزا
واليوم تنخا الحروب لأجل تحيابه =تكفون لا تبكي فراقه وتجتزا
وأنتم ذراها وبيت العز وأطنابه=الورع منكم له الثقلين تهتزا
مابالكم فالشجيع اللي شمخ نابه=ولا كريمٍ ليا جات اللزم فزا
مايحسب فلازمه كم باقي حسابه=يقضي لزومه وعين الشد له خزا
ويش قيمة المال كان المال نشقابه=ويش قيمته كنه عن الأيتام يعتزا
والسيف ياحرب عزه قوة انصابه=وأنتم رجال ن لكم فالنايفه رزا
ويش قيمة الرجل يوم يفتل اشنابه=وليا نخته المره عن حملها يرزا
تكفون ياحرب درع الصدر ياذيابه=سروا عجوزن بها دمع الأسا نزا
قولوا لها الله عتق خالد وجينابه=ياحرب رب الملا لافعالكم يجزا
ياحرب ياهل الفعل ياحرب ياالابه=وش عذركم من عجوز باسمكم تعزا