بسم الله الرحمن الرحيم

السلام عليكم ورحمة الله وبركاته

كل عام وانتم بخير

قصيدتي الثانية واتمنى ان تنال على اعجاب الجميع

ياعين هلي من دموعك عباير = زادت جروح القلب وين المداوي

ضاقت بي الدنيا على هم ساير = مثل الجمل يبرك على قلب هاوي

في ليلة(ن) ضلمى تعود الدواير = وتـهب ريـح الهم تنثر بـلاوي

تاخذني الخطوة بليا بصاير = وامشي على درب(ن)طريقه مهاوي

ولا لـي الى الشعر يحك السراير = ويبين جروح الزمان القساوي

انا كسير(ن)باحث(ن)عن جباير= في راس رجم(ن)فوقه الذيب عاوي

اسمـع صدى صوته بعاليه ثاير = ويدارج ادروب(ن)عليها الخلاوي

ياذيب لاتقرب ترى الدم فايـر = ابعد عن ادروب الشقـى و الشقاوي

امشـي طريقك لاتزيـد الخساير = من بندقـي سهم(ن )يزيدك عناوي

انـا معودهـا علـى كـل جـايـر = مايوم خابت حيـن طلـب الرجـاوي

ون جـات للخوة تجيـك البشايـر = مـن ذيبـها ياذيب لـو كنـت نـاوي

نحميـك مـن حرقـة لهيـب السعايـر = ونزيدهـا فـي دارهـا للـعلاوي

ونحـل عقدات السنيـن العسايـر = وميرادنا من فوق عد(ن)رهاوي