بخيتان البشري =
ممايلي حسب ماتقراه = ياتركي استخرج الاتي
سلام بالود اسسناه = ياصلك بأطيب تحياتي
الصامت =
كم لي وانا في حرا ماتاه = حرفك ياراع الجزيلاتي
ترحيب والحمل رجحناه = حتى ارتقى للمنيفاتي
بخيتان البشري =
بأشكي لكم حال عايشناه = باسبابه الليل ماباتي
ظرف الزمان استباح الآه = وزوّد على روحي آهاتي
الصامت =
الله عسى خير شاللي جاه = يابو محمد سلاماتي
ماقدر قبل تتضح شكواه = أبني عليها احتمالاتي
بخيتان البشري =
اللي من شهور فارقناه = خلا لي الفكر فشتاتي
حتى التهب جرح قاسيناه = من ود مغروس في ذاتي