يامل قلباً هاجس شوقه يتله=ويامل قلباً ساريتبه طواريه
ماييهيد لين الصبح يريع بضله=يسري مثل سبع الخلا مع مساريه
طول ليله مايجاور محله=وسبع الخلا ماحداً بليله يباريه
كم وادياً بالليل الأسود يزله=ويامل صدراً ولعنبه شواريه
أخذ جميع الزعل بعد كله=ويامل صدراً يخمه باأسود الليل طاريه
وخط الولع يم الشوامى يدله=والخاطر اللي كل ساعه نداريه
مايقبل التعذيل عنده معله=من اللي تشوف العين والخط قاريه
يالله تنصر الإسلام وأهل الشام كله=ونطلب ممشي سيل المزن مع مجاريه
يالله تنصر أهل الدين وأهل المله=واللي يعادي الدين يالله تواريه
واللي يعادي الإسلام يالله تشله=وزمرته اللي في أفعاله تماريه
يالله تزلزل فيه الأرض يارب يالله=كن فيه أحد على المذابح يغاريه
فعله هذا عند نفسه مفله=بشار من اللي ماعليهم مشاريه
ليا وصله الفعل دمعه يهله=بشار يشبه الزرافه بمواريه
ليا شافت الأسود جت مستجله=خسار ابن خسار بانت مواريه
كل الحرام محلله ومستحله=والحر طوق قريته مع محاريه
والحل عند اللي قادر يحله=والرجل ما يسجد إلا لباريه
والموت أحسن من حياة المذله=ويامل قلباً ساريتبه طواريه