ماجد أبو مديدة
منا سلام الوفا واشكل=بإسلوب للجمع صدرناه
أعداد ماشفت فالمحفل=ومافالخواطر توريناه
منصورالمعبدي
ترحيب أجمل من الأجمل=بالود والطيب عززناه
يامن فرحنا بكم يكمل=والأنس معكم تمنيناه
ماجد أبو مديدة
أنا لرسم المثل منهل=باسقيك من فارعه وادناه
وانته فالامثال ماتجهل=عساك توصل لما نبغاه
منصورالمعبدي
رد المثل عِد مايُقفل=وكل حرف يكتب لنا نقراه
حسب الذي نفهم ونعقل=نوصل العلم لا منهاه
ماجد أبومديدة
إن كان تسمح لنا نسأل=عن الثريا ونجم الجاه
في دايره حلها ماحل=زادت على الروح مية آه
منصورالمعبدي
يامنهل العلم لاتغفل=يسد نجم الثريا ضياه
والدايره حبلها مُفتل=في يدين منه يحط امضاه
ماجد أبو مديدة
القلب محتاس ومبهذل=والعين تشكي من المأساه
أيات سهم الهوى مدخل=ونعاقبه فالذي سواه
منصورالمعبدي
العين ساس البلا ترسل=وسط الحشا سهوم ياويلاه
والقلب لو كان ماستقبل=العين مااستحدلت مرماه