المشاركة الأصلية كتبت بواسطة صقر المراقيب

حـسـن بـــن عـلــي الـبـشـري =
الأوله سـلام يـا خالـد عبيـد الأحمـدي=قدّام بعض صدور خلـق الله نبيّـح سدّهـا
والثانيه مـا تنخـذل يـدٍ تصافحهـا يـدي=ويمناً تِخَذْلْ اِيميننا من كتفها أقطـع يدّهـا
خـالـد بـــن عـبـيـد الاحـمــدي =
باول مطاف الملعبه ترحيـب فيكـم نبتـدي=ولاّ الصّـدور الله عليـم بخبثهـا وفودّهـا
والتّاليه يابو علي خاب الـذي شافـك ردي=ويد ٍ عليكم تنرّفع لي سيـف يقطـع حدّهـا
حـسـن بـــن عـلــي الـبـشـري=
دام البقا يالأجودي يا نسل ظهر الأجـودي=والطّيبه لا جاتني مـن يمكـم مـا أردّهـا
قالوا من سهيل اليماني ضاق نجمك يالجدي=لكنّ كلمه كنّهـا صـدرك يـا خالـد بدّهـا
خـالـد بـــن عـبـيـد الاحـمــدي =
تسلم لنا يانسل قـوم ٍ يردعـون المعتـدي=مامدّلك غير الوفـا فـي عكسهـا لاتمدّهـا
ومالك في قول اهل البدع ياللي تجمّل بالفدي=وانا ليا شفت الخطا فالنّاس عنـه اضدّهـا
حـسـن بـــن عـلــي الـبـشـري=
عاهدت نفسي ما أتبع الجاهل ووصّيت وْلِدي=ما يخاوي ألاّ صقور مثلك لجل يصبح ندّهـا
كِثروا يا خالد خالطين الرَطْبْ بالتمر السدي=واِليـا اِلتفتّنـا يمّهـا قفـت بناحـل قدّهـا
خـالـد بـــن عـبـيـد الاحـمــدي =
عسى وصاتك تنحفظ ماهو بعاصي واعندي=وافخر بكم يابن الرّجال اللي تميّز بالدّها
وفالسّوق لو كثر الغششّ باينكشف يامسندي=والنّاس ايميّز عقلها للعارفه من ردّها