حـسـن بــن عـلـي الـبـشـري=
الأوله سلام يا خالـد عبيـد الأحمـدي=قدّام بعض صدور خلق الله نبيّح سدّهـا
والثانيه ما تنخذل يدٍ تصافحهـا يـدي=ويمناً تِخَذْلْ اِيميننا من كتفها أقطع يدّها
خـالـد بــن عبـيـد الاحـمــدي=
باول مطاف الملعبه ترحيب فيكم نبتدي=ولاّ الصّدور الله عليم بخبثهـا وفودّهـا
والتّاليه يابو علي خاب الذي شافك ردي=ويد ٍ عليكم تنرّفع لي سيف يقطع حدّها
حسن بن علي البشري=
دام البقا يالأجودي يا نسل ظهر الأجـودي=والطّيبه لا جاتني مـن يمكـم مـا أردّهـا
قالوا من سهيل اليماني ضاق نجمك يالجدي=لكنّ كلمه كنّها صـدرك يـا خالـد بدّهـا
خـالـد بــن عبـيـد الاحـمــدي=
تسلم لنا يانسل قوم ٍ يردعون المعتدي =مامدّلك غير الوفا في عكسها لاتمدّها
ومالك في قول اهل البدع ياللي تجمّل بالفدي=وانا ليا شفت الخطا فالنّاس عنه اضدّها
حسن بن علي البشري=
عاهدت نفسي ما أتبع الجاهل ووصّيت وْلِدي=ما يخاوي ألاّ صقور مثلك لجل يصبح ندّها
كِثروا يا خالد خالطين الرَطْبْ بالتمر السدي=واِليا اِلتفتّنا يمّها قفت بناحل قدّها