بسم الله الرحمن الرحيم
قصيدة شاركت فيها يوم 19/7/1433هـ
في قصر السلام بمدينة بريده
بمناسبة حفل زواج الاخوة الاعزاء احمد ونايف
ابناء الشيخ |
عبدي بن عبدالله البشري حفظه الله وبارك فيه واعانه ووفقه
ونسال ان يبارك لهما ويبارك عليهما ويجمع بينهما بخير
ويستاهلووون كل خير والف نعم الحمولة الطيبة
مبروك ياهل الطيب واهل الحميه=نسل الرجال اهل المواقف حلاحيل
من روس قوم (ن) نارهم دوم حيه=وافين بالشدات نعم المشاكيل
من روس حرب ونعم حرب الوفيه=بشاريه والنعم طيب الرجاجيل
نهدي لكم ازكى ورودٍ زكيه=نعم الرجال اللي علو كالقناديل
نايف مع احمد كالجبال العليه=رجال المواقف كاسبين التنافيل
تستاهلون المدح منا التحيه=ياهل الدلال وجنبهن المعاميل
ترفع لكم بيضاء ونعم السميه=نعم الزحول اللي تشيل المعاضيل
قلته وانا من عزوةٍ دهمشيه=اولاد وايل بالكرم توفي الكيل
وصلوا على المختار خير البريه=شفيعنا في وقت جني المحاصيل
وسلامتكم ،،،
أخوكم ومحبكم
ابراهيم بن عبدالله الجلعود
سميراء 11/8/1433 هـ