المشاركة الأصلية كتبت بواسطة نواف الحصني

البارحه صامت عن الخط الاقلام = والشعر عيا لايصخر فريده
والبوصله من قطبها غاب معلام =والبورصه بغت تدق الحديده
وصفحات الانتر ماتبشر بالعلام = وسلك التويتر مايشوق تغريده
ماهو على غبر الايالي واليام =ونفس تخالج حضها وش يصيده
يقطعك رجل نضرته عند الاقدام =دنيا الزخارف قطرة من وريده
ننعاك يانصر العروبه والاسلام =ومن الاسود اللي تحرس العقيده
ليا هل السنه ترضو بالحكام = اناشهد انه راح منكم فقيده
حر يباريه السعد وين ماحام = لاهد جول مايخلي شريده
للحرب مقدام ولدعوه امام =نبع المروه والخصال الحميده
كم ليلة يسهربها اليل مانام = وعين المواطن في كراها سعيده
مرحوم ياغيث الارامل والايتام =مرحوم ياراع الصروح المشيده
يجبر عزاير فرجتك رب الانام =العبد من يفنيه ثمن يعيده
وسلمان نجمه في سما الكون مادام = واحمد مدام احمد هو اللي عضيده
وياخادم البيتين حنا لك احزام =حنا احزامك بالخطوب الشديده
حنا تحت ضلك عزيزين وكرام = ليا بعد نيجاد وابو جغيده
خذنا فشق خذنا صواريخ والغام =لين الخليج ايسود من كان سيده
النصر والى جنة الخلد قدام = بجوار رب الكون مرضي عبيده
حنا هل السنه مقاديم الاقوام = الله وعدنا بالمناصر وعيده
الضاهرين اللي على العدل قيام = الله يشهد والخلايق شهيد