بسم الله الرحمن الرحيم
السلام عليكم ورحمة الله وبركاته
لايمل ولايكل المتصفح في هذا المنتدئ الاكثر من رائع لما يحتويه من علوم شرعية وثقافية وشعرية
و يحق لي الفخر والافتخار بقبيلتي قبيلة حرب العريقة ويشرفني مشاركتكم بما استطيع لذا اورد اليكم
هذه القصيدة التي اتمنئ ان تنال رضاكم ....
سلام يااللي لك معزة وتقديــــر ***سنه علي اواجـــــب انك ترده
طريت في بالي علئ حزة عصير*** وماآآرسلت لك الا احترام وموده
حبيت أبادل صاحبي بالتعابير*** واليا لفاه البيت يرسل مرده
انجدد عقود الغلا بالمسايير*** وعلومنا بعلومكم مستجده
نقبل علئ الدنيا وحنا مدابير*** انشد الحزام وهي علينا تشــده
واليا بحثنا خلفها اي تبرير*** هذا نصيب وكل باب ومرده
طاح المطر وان طاح في طيحته خير*** لو ينحدر سيله علئ الضلع هده
ودارت علومه بالمجالس تباشير*** وهذا يعد العلم عن من يعده
وشالو وحالو واقتفوها مصاغير*** فوق الضوامر كاربين الاشده
وحلو ٍ بديرة وسطهاً غرد الطير*** مخضارها ياخذ من الوقت مده
واليا عرض قدمي من البال تصوير*** لو ينتهي من داخلي استرده
اشقئ واشقي خاطري بالمشاوير*** وغيري يفكر بالعجول المصده
اسج رجلي عن غثاء الناس واسير*** واستانس اليا صرت بآارض محده
فوق الرجوم اللي زهتها المخاضير*** من عقب ماهي قاحلة مجرهده
مع خوة اللي عمر العز تعمير*** وطيب الولد معروف من طيب جده
عريب ساس وشوق ريم الغنادير*** عفيفةً تحفظ عن الناس سده
لها يحثون المطايا طوابير*** ولا ودها بين العرب غير وده
يومٍٍ(ن) قيست للمراجل معايير*** كل حر يفرق بين الاحرار هدهٌ
راع الولع تلعب عليه التفاكير*** وده علئ المقناص في كل ردهٍ
لكن حدنه عن هواه المقادير*** واليا لقئ له فرصة (ن) من يرده
عبرت لك عن مابقلبي بتعبير*** ولك التحية وكل قاف ومشــــدهً
وسلامتكم...
الشــــاعر عيسئ رباح المحمدي