المشاركة الأصلية كتبت بواسطة الوزن الثقيل

النادرات الوافيات العريبات = ما كل شاعر لا بغاهن يجنه
وردن علي يأهل المعرفه محيمات = وغدالهن من بين الأضلاع حنه
وردتهن عدن حباله طويلات = ومن فوق جاله داحمن و اشرعنه
و ترايعن عقب الروي مع تلفات = يم اللبيد اللي خبط و اتبعنه
و قادن على راع الشرف و المروات = متعب علوم الطيب ما يتعبنه
جده قنا الكحل العراب الشهيرات = شعب الجزيره ما قنا مثلهنه
سود لابن راكب زبون الونيات = كم خايعن ذود الفريدي رعنه
اللي حماهن في السنين المخيفات = يوم القبايل خيلها مستعنه
يشهد حنيني حرب في كل ما فات = حتى الرواه أقلامهم وثقنه
فعلن مثل شمس الضحى ما يبي إثبات = لو القلوب ألحاسده يجحدنه
و اليوم أبو شايع عريب السلالات = حقه مع أهل الطيب ما فيه منه
صعايب الأمجاد جنه مطيعات = و خطامهن في يديه ما يطلقنه
مزبان من حده من الوقت ميلات = وسهوم بقعا بالقسا صوبنه
لا جاه سهله جميع العسيرات = و خلا الليالي المقبله ينصفنه
و لا تاهت أريا أهل اللحى و الشنبات = في موقفن ولد الردي راغ عنه
وقف و خلاها سهود و سلامات = من طيب راسه يا عرب ما شحننه
و يمناه غيمن لا نتثر جاك زافات = يحيي الهميد اللي الدهور أيبسنه
لو عقبن مثله بطون العفيفات = كان الردي ماضي السنين ادفننه
تقلط له أفكار المعاني و الأبيات = ما غيره أحدن ظنتي يدهلنه
مدحه علي مفروض فرض الصلوات = ومدحه شرف شعري و ذوقه وفنه
و اختم و أقول اخذ الشكر و التحيات = من شاعرن يمك بيوته خذنه