/
/
/
/
/
/
/
/
/
/
/
/
/
/
/
/
جاوب المحتار والمعنى رفيع=جاك يافوّاز قافي به شجنّ
اشتكي ضيقات من هم ٍ فضيع=والحزن والوجد ّ بالصّدر احتقنّ
صاحبك لامرّ من سور البقيع=افتكر سلمان وابكاه الحزنّ
راعي المقدار والصدر الوسيع=طيّب الافعال بخلاقه حسنّ
فالعرب محبوب ولخاله مطيع=مفتخر بالخال خاله له يحنّ
ومن نخاه ايشيد بالسّد المنيع=وماقف يسرّه لرجّل ٍ متزنّ
يحفظ المعروف للواجب سريع=من يعرفه يحتمي به بالمحنّ
لااشّترى صاحبه لايمكن يبيع=صارم ٍ ما فيه لتّ ولا عجنّ
وصاحبك بالقول يومه لك يذيع=بالمجامل في كلامه لاتضنّ
جبت لك قولي وانا عنّد الجميع=شاهد ابقول الحقيقه موتمنّ
عشرتي ويّاه من يومه رضيع=اعرفه عرف الموازن للوزنّ
تدمع اعيوني على القرم الشّجيع=يومهم شالوّه ملفوف بكفنّ
ولابكيت فيوم في موقف فجيع=مثل لحظة عشتها وقت الدّفنّ
ومالنا غير الدّعا مانستطيع=نرجع اللي راح لو بغلا ثمنّ
فالسّجود ادعي وربّي لي سميع=اسكنه ياربّ جنّات ٍ عدنّ
الشّاعر / خالد بن عبيد بن معتوق ألأحمدي