الشاكله والورك للي حشيمين = والساق للي من تحتهم شويه
والفخذ لأهل البيت واللي مقيمين = والكتف لأم عيالهم جت هديه
والعضد للي توهم جو لافين = محدٍ درى عنهم بوقت العشيه
اجنوب شاة الضيف عند الموالين = يوزعونه بينهم بالسويه
ومفطحه والراس بالرفق واللين = والكبد والعصبان له والتحيه
والكرش بين الناس راحت قطاعين = هذا يقول لذاك عطني شويه
وبقى الفراسن والاذاني مع العين= ولسان كبشٍ بين هذي وذيه
بقى بها حاجةٍ وهي المصارين = ويضى السحر وطحالها للشويه
حتى الكلاوي قطّعت للوراعين = قبل الطبخ يشوونها بالوريه
هذا حسب عرفي كتبت العناوين = والباقي لأهل العقول السويه
ياربنا تقبل صلاة المصلين =والبيت الاول قبل مآهو بليه