مرحبا مثل العسل مدري تقل سكر نبات=عد سكان الكنانه والمدينه والهفوف
وافيه لصحابنا تمشي على كل الجهات= مثل عقد الماس يابخيتان في عنق الهنوف
ما عليكم زود ياريف الخوي حسن الصفات= ياعسى يفداك رجلٍ لاهرج دايم زهوف
ان سبح في نهردجلا ماسبح نهرالفرات= وكل ماكبرت هرب صوب الملاجي والكهوف
كان كتبة لك زياره ياطبيب المعضلات= لك تسجل في سجلات الوفى وسط الكشوف
ابشر بحلو النباء ودلال صفر مبهرات=وقبل تعطينا علومك قطعة ارقبت الخروف
في محلٍ فيه ماتلقى علومٍ نازلات=مجلس بالطيب والمعروف والعز أمحفوف
بين ضلع طويق يابخيتان وجبال السرات= ليه ياشمس الصحى بين التوهج والكسوف
كل ماقلنا عليها شفت عشر أملاحظات= يعترض بالدرب عميان البصيره والضعوف
بعد نقطه فاصله جبت العلوم الباقيات= الحرير انميزه مابين قطن وبين صوف
صعب حل السالفه من بعد ماراحة شتات = مير راع الكور مايرضى المسامه والردوف
مالنا بصر وبصيره بالعلوم الشايكات= لو نعدل حمل نايف من يعدل حمل نوف