لجل المراسل بين سالب ومسلوب=ومن طاح في وسط الر حا وا شقاته
واللي زرع حبه على غير مشروب=معقول عند الناس يلقى سقاته؟!
ونقالة الأخبار حاطب ومحطوب=كلن على قدر الخطر له فتاته
كلن على مذهب وله فكر واسلوب=واجواد لشيعه مزين صلاته
إعلامنا مسيس وبالقيد مصلوب=والبيت الأبيض يرتعيه بعصاته
وإن شاف عود اثقاب من ناس مشبوب=قرب له البارود وارسل جناته
ثم أعلنو بركان فالكون ملهوب=تضخيم للفتنه وبث بأداته
وتيسير وأمثاله فتكتيك ملعوب=مثل الفشق لا بث حبه رداته
ماعاد له لازم وماهو بمرغوب=ثم اشغلونا في قضية شتاته
في وقت فيه الحال ناهب ومنهوب=وعراقنا ما عاد يعرف فراته
والشام كله صار غاصب ومغصوب=واللي تكلم ساوموه بسكاته
والغرب شاطر يوم جانا لبس ثوب=وحط المكيدة تنطوي في عباته
صار العدا ما بيننا وشر مسكوب =وجانا بسلام وليت نسلم وصاته
الشرق الأوسط عندهم حالي الذوب=الكل واضع من عسلنا فلهاته
وعميلهم إعلام بالخزي منكوب=إعلامنا مثل اليماني بقاته