أبن وازن =
يكفيه شره من غباره = راعي المثل والغبار يعود
حرف المثل عز مقداره = في دار أهل المعاني جود
اللى بنى بالوفا داره = ما يلحقه نقص فالموجود
رسم المثل دار فدياره = وتبقى المعاني عليه شهود
فيصل العروي =
الدرب ياعسر معباره=يامن بخير المثل موعود
ليل الصفا عاند اقداره=يومه سبق بارقه برعود
وراس الهدف بان راداره=ولازال عنه العباد رقود
وكل اجودي حسب معياره=ياصويحبي يعكس المردود
ناصر الحجوري =
فالدار واحد من كباره = تسمع من لسانه المردود
دار المثل عالي جداره = مايجية بغباره المقرود
الصرف وغبار معصاره = يحثى في وجه القلوب السود
والحرف بوجود شعاره = مرسيه مثل الجبال الطود
أبن وازن =
كبار يامشرف صغاره = ما نكسره لو لوين العود
دار المثل يرقى بشعاره = والنقد لا يزعل المنقود
والصرف انقدر سعاره = لا نرخص الحرف والمجهود
حرف المثل تعرف اوزاره = معناه ثابي جبل جلمود
فيصل العروي =
يامن وصل حتفه وزَارَه=جمر الغضى باللِّحَا موقود
والقلب لاشب جماره=تعصف عليه اللواهب نود
مثل الذي مُؤْذِياً جاره=ولا هو بعين الحيا مولود
جفت غصونه ونَوَّارٌه=وعن عاليات القمم مبعود
ناصر الحجوري =
الدار عامر بزواره = واهل الادب ماعليهم زود
كلآ بقدره ومقداره = فالمنتدى ينطق المجرود
لاهل المثل مِشعل انواره = وزارع طريق الحروف ورود
الليل يحلا بسماره = والحرف يعطي فريد العود