محمد سعد اليوبي=
في معمعة هذه الثورات=وما أفرزت من أمل دامي
وش غير الحال عن ما فات=ولم اليماني مع الشامي
بيان الصمت=
في وقتنا كثرت الآفات=والشر لا زال متنامي
وعقول بعض البشر نزعات=لازم لها سرج ولجامي
محمد سعد اليوبي=
حسني اختفى وأحسب أنه مات=لو ما خطر أمس قدامي
وبشار بعد أنكر أهل الذات=من ما جرى يعض الابهامي
بيان الصمت=
أهل الكراسي لهم حالات=تفرض خيالات ونظامي
تعميه ما يدرك الغايات=ومن كاسها يزيد فهيامي
محمد سعد اليوبي=
في مصْر يوجد رجال ثقات=نفخر بهم طول الأعوامي
لكن سبب كثرت الهزات=زعيم صلى ولا صامي
بيان الصمت=
المخرج اللي حوى الحلقات=كاتب على النص إلزامي
والشعب ما تفوته اللقطات=ومن الهدف يعرف الرامي
محمد سعد اليوبي=
ما يهاب مثلك من الصنات=اللي براس العصا يوامي
شفيق لو ينطح القالات=كان احتمى الموقع السامي
بيان الصمت=
هذاك لمخاوي اللذات=اللي على شطها ظامي
مجبور يسكت على الزلات=ومسوي للناس ضرغامي
مثله شفيق استمع ما بات=واضح من خطابه الحامي
وذيك الأيادي لها بصمات=في ظلها الناس فاوهامي